 |
| ക്ലിക്ക് ചെയ്താല് വലുതായി കാണാം |
"സിറിയന് വോയിസ് "- വാര്ത്തകളും ഈ ബ്ലോഗിനെക്കുറിച്ചുള്ള നിങ്ങളുടെ അഭിപ്രായങ്ങളും വിമര്ശനങ്ങളും rejipvarghese@gmail.com മെയില് ചെയ്യുക.
Tuesday, May 29, 2012
Monday, May 28, 2012
റവ.ഫാ സജി നടുമുറിയില് യാത്രയയപ്പ് നല്കി .
മെയ് 31 മുതല് സിംഗപ്പൂര് യാക്കോബായ പള്ളിയുടെ പുതിയ വികാരിയായി റവ .ഫാ .റോബിന് ബേബി ചുമതലയേല്ക്കും.
സിംഗപ്പൂര് സിറ്റി : രണ്ടു വര്ഷക്കാലമായി യാക്കോബായ സഭയുടെ തന്നെ അഭിമാനമായി വിരാജിക്കുന്ന സിംഗപ്പൂര് സെന്റ് .മേരീസ് യാക്കോബായ സുറിയാനി ഓര്ത്തഡോക്സ് പള്ളി വികാരിയായി സ്തുത്യര്ഹമായ സേവനം അനുഷ്ഠിച്ച ശേഷം കേരളത്തിലേക്ക് മടങ്ങുന്ന റവ.സജി നടുമുറിയില് അച്ചന് ഇടവക ജനങ്ങള് സ്നേഹനിര്ഭരമായ യാത്രയയപ്പ് നല്കി .മെയ് 27 ഞായറാഴ്ച പള്ളിയകത്തു കൂടിയ യോഗത്തില് ഡീക്കന് എല്ദോ തോമസ് അദ്ധ്യക്ഷത വഹിച്ചു .
കുടുംബ സംഗമം - 2012
കൂത്താട്ടുകുളം: സെന്റ് സ്ടീഫെന്സ് യാകൊബായ സുറിയാനി പള്ളിയില് കുടുംബ സംഗമം സംഘടിപ്പിച്ചു സുറിയാനി ക്രിസ്ത്യാനികളുടെ പാരമ്പര്യ തനിമയോട് കൂടിയ റാലിയും അതിനോട്
അനുബന്ധിച്ച് പൊതു സമ്മേളനവും നടത്തപെട്ടു.പൊതു സമ്മേളനം ബഹു MLA ശ്രി
മോന്സ് ജോസഫ് ഉത്ഘാടനം ചെയ്തു .യോഗത്തില് റവ.ഫാ ബോബി തറയാനി അധ്യക്ഷ വഹിക്കുകയും ചെയ്തു .റവ.ഫാ വര്ഗീസ് പനചിയില് പരിപാടികള്ക്ക് നേതൃത്വം നല്കി.
Aparna Jose secured 1st rank in MTech Power Systems under MG University Kottayam.
Aparna Jose who is a student of SAINTGITS, Pathumuttom Kottayam secured 1st rank in MTech Power Systems under MG University Kottayam. She is a Permanent member of St Peters and St Pauls Jacobite Syrian Orthodox church , Karamala , Koothatukulam , Kandanad Diocese & a temporary member at St Marys Soonoro Patriarchal Syrian Orthodox Cathedral, Elamkulam, Ernakulam. Aparna is the sister of Appu Jose who is an active member of Mor Behnan Study Circle.
Anisha Yohannan who is the Daughter of Rev. Fr. Yohannan Vakkayil secured 3rd rank in the same stream. She is a member of St. George JSOC Vakayar.
മാമാലശ്ശേരി - പ്രാര്ത്ഥനായജ്ഞം 12 ദിവസം പിന്നിട്ടു.
പിറവം: ആരാധനാ സ്വാതന്ത്ര്യം ലഭിക്കണമെന്നാവശ്യപെട്ട് മാമാലശ്ശേരി മാര് യാക്കോബായ സുറിയാനി പള്ളിയ്ക്ക് മുന്പില് ഇടവക ജനം നടത്തുന്ന പ്രാര്ത്ഥനായജ്ഞം 12 ദിവസം പിന്നിട്ടു. പ്രാര്ത്ഥനായജ്ഞത്തിനു പിന്തുണ അര്പ്പിച്ചു കോലഞ്ചേരി മേഖല യൂത്ത് അസോസിയേഷന് കാവുങ്കടയില് നിന്നും മാമാലശ്ശേരി പള്ളിയിലേയ്ക്ക് റാലി നടത്തി. റാലിയില് നൂറു കണക്കിന് പ്രവര്ത്തകര് അണിനിരന്നു.
കണ്ടനാട് ഭദ്രാസന യൂത്ത് അസോസിയേഷന് വൈസ് പ്രസിഡണ്ട് റവ ഫാ. എല്ദോസ് കക്കാടന് റാലി ഫ്ലാഗ് ഓഫ് ചെയ്തു.മുന് അഖില മലങ്കര വൈസ് പ്രസിഡണ്ട് റവ.ഫാ ജോയി ആനക്കുഴി റവ.ഫാ ഗീവര്ഗീസ് ചെങ്ങനാട്ടുകുഴി, ഭദ്രാസന യൂത്ത് അസോസിയേഷന് സെക്രട്ടറി സിനോള് വി സാജു എന്നിവര് നേതൃത്വം നല്കി.
കണ്ടനാട് ഭദ്രാസന യൂത്ത് അസോസിയേഷന് വൈസ് പ്രസിഡണ്ട് റവ ഫാ. എല്ദോസ് കക്കാടന് റാലി ഫ്ലാഗ് ഓഫ് ചെയ്തു.മുന് അഖില മലങ്കര വൈസ് പ്രസിഡണ്ട് റവ.ഫാ ജോയി ആനക്കുഴി റവ.ഫാ ഗീവര്ഗീസ് ചെങ്ങനാട്ടുകുഴി, ഭദ്രാസന യൂത്ത് അസോസിയേഷന് സെക്രട്ടറി സിനോള് വി സാജു എന്നിവര് നേതൃത്വം നല്കി.
Sunday, May 27, 2012
കാത്തിരിപ്പിന്റെ ശുശ്രൂഷ: ധ്യാനപരമ്പര സമാപിച്ചു
അങ്കമാലി: യാക്കോബായ സഭ അങ്കമാലി മേഖല സുവിശേഷസംഘം ''കാത്തിരിപ്പിന്റെ ശുശ്രൂഷ''യുടെ ഭാഗമായി സംഘടിപ്പിച്ച ധ്യാനപരമ്പര സമാപിച്ചു.
അങ്കമാലി സെന്റ് മേരീസ് കത്തീഡ്രലില് നടന്ന സമാപനസമ്മേളനം ഏല്യാസ് മോര് യൂലിയോസ് മെത്രാപ്പോലീത്ത ഉദ്ഘാടനംചെയ്തു. ഫാ. ഇട്ടൂപ്പ് ആലുക്കല് അധ്യക്ഷനായി. ടൈറ്റസ് വര്ഗീസ് കോര് എപ്പിസ്കോപ്പ, വര്ഗീസ് അരീക്കല് കോര് എപ്പിസ്കോപ്പ, ഫാ. പൗലോസ് അറയ്ക്കപറമ്പില്, ഫാ. പോള് പാറയ്ക്ക, ഫാ. ജോര്ജ് വര്ഗീസ്, ഫാ. വര്ഗീസ് പാലയില്, ഫാ. ജിബി യോഹന്നാന്, ഫാ. കെ.ഐ. ജോര്ജ്, ഫാ. തോമസ് ബേബി, ഫാ. കെ.ടി. യാക്കോബ്, ഫാ. എല്ദോ ചെറിയാന്, പി.പി. ഷൈജന്, റോബി എബ്രഹാം, പി.പി. തങ്കച്ചന്, ജോയി പോള് എന്നിവര് പ്രസംഗിച്ചു.
പൊന്തിക്കൊസ്തി പെരുന്നാളിനോടനുബന്ധിച്ചാണ് 10 ദിവസത്തെ കാത്തിരിപ്പിന്റെ ശുശ്രൂഷ സംഘടിപ്പിച്ചത്. ഞായറാഴ്ച അങ്കമാലി മേഖലയിലെ എല്ലാ യാക്കോബായ പള്ളികളിലും കുര്ബാന, പൊന്തിക്കൊസ്തി ശുശ്രൂഷകള് എന്നിവയുണ്ടാകും.
Saturday, May 26, 2012
സാംസ്കാരികനായകര് വിധേയന്മാരായെന്ന് മാര് കൂറിലോസ്
കൊച്ചി: കൊലപാതക രാഷ്ട്രീയത്തിനെതിരെ പ്രതികരിക്കുന്ന കാര്യത്തില് സാംസ്കാരിക നായകര് വിധേയന്മാരായിമാറിയെന്ന് ഡോ. ഗീവര്ഗീസ് മാര് കൂറിലോസ് മെത്രാപ്പോലീത്ത. ആസ്ഥാന ഗായകരും കവികളുമായി ചുരുങ്ങിയ സാംസ്കാരിക നായകരില് പ്രതീക്ഷയര്പ്പിക്കുന്നതുകൊണ്ട് പ്രയോജനമില്ലെന്നും മാര് കൂറിലോസ് പറഞ്ഞു.
നവ ജനാധിപത്യ പ്രസ്ഥാനത്തിന്റെ നേതൃത്വത്തില് നടത്തിയ രാഷ്ട്രീയ ഭീകരവാദത്തിനെതിരെയുളള ജനാധിപത്യ സംഗമം ഉദ്ഘാടനം ചെയ്യുകയായിരുന്നു അദ്ദേഹം. മൂല്യങ്ങളോടു പ്രതിബദ്ധത കാട്ടിയ, വെല്ലുവിളികള്ക്കു മുന്നില് അതു ഉയര്ത്തിപ്പിടിച്ച രാഷ്ട്രീയ പ്രവര്ത്തകനെയാണ് കശാപ്പു ചെയ്തിരിക്കുന്നത്. ഫസല്, ശുക്കൂര്, ചന്ദ്രശേഖരന് എന്നിവരെ കൊലപ്പെടുത്തിയതില് സി.പി.എമ്മാണ് പ്രതിക്കൂട്ടില്. മധ്യകാലത്ത് മതങ്ങള് കാണിച്ച അക്രമ വാസനയാണ് ജാതി, മത, വര്ഗ, രാഷ്ട്രീയ കക്ഷികള് ഏറ്റെടുത്ത് നടപ്പാക്കുന്നത്. പ്രത്യയശാസ്ത്ര പ്രതിസന്ധിയാണ് ഇടതുപക്ഷത്തെ ആയുധമെടുപ്പിക്കുന്നത്. സമീപകാലത്ത് ഇടതുപക്ഷത്തിന് ഒരു ജനകീയ സമരത്തിന് നേതൃത്വം നല്കാന് പോലും കഴിഞ്ഞിട്ടില്ല. അഞ്ചു വര്ഷം ഇരുപക്ഷത്തെയും മാറിമാറി പിന്തുണക്കുന്ന രാഷ്ട്രീയം കൈവിട്ട് സാമൂഹിക നീതിയുടെയും പാരിസ്ഥിതിക പക്ഷത്തുമുള്ള പുതിയ രാഷ്ട്രീയം ഉയര്ന്നു വരണമെന്നും ഗീവര്ഗീസ് മാര് കൂറിലോസ് പറഞ്ഞു.
രാഷ്ട്രീയ രംഗത്തോടൊപ്പം സമൂഹവും ക്രിമിനല്വല്ക്കരിക്കുകയാണെന്ന് നവ ജനാധിപത്യ പ്രസ്ഥാനം ജനറല് കണ്വീനര് കെ. കെ. കൊച്ച് അഭിപ്രായപ്പെട്ടു. കണ്ണൂരില് നടന്ന 136 രാഷ്ട്രീയ കൊലപാതകങ്ങളില് 117 പേരും പിന്നാക്ക വിഭാഗമായ തിയ്യ സമുദായത്തില്പെട്ടവരാണ്. 95 ശതമാനം പേരും ദളിത്, പിന്നാക്ക, ന്യൂനപക്ഷ വിഭാഗങ്ങളിലുള്ളവരാണ്. സാമ്പത്തികമായി പിന്നാക്കം നില്ക്കുന്നവരാണ് കൊല്ലപ്പെടുന്നതെന്നും കെ. കെ. കൊച്ച് പറഞ്ഞു. ജനാധിപത്യ സംഗമത്തില് എന്. എം. പിയേഴ്സണ്, സണ്ണി എം. കപിക്കാട്, അഡ്വ. കെ. എസ് മധുസൂദനന്, പി. പി സന്തോഷ്, കെ. സുനില്കുമാര്, ഏകലവ്യന് എന്നിവര് പ്രസംഗിച്ചു.
Friday, May 25, 2012
മെഡിക്കല് പ്രവേശനം: ഒന്നാം റാങ്ക് ശില്പ എം. പോളിന്
കുറുപ്പംപടി സെന്റ് മേരീസ് യാക്കോബായ കത്തീഡ്രല് ഇടവകാംഗമാണ് ശില്പ എം പോള് തിരുവനന്തപുരം: സംസ്ഥാനത്തെ മെഡിക്കല് പ്രവേശന പരീക്ഷയില് മെഡിക്കല് വിഭാഗത്തില് ശില്പ എം.പോള് (എറണാകുളം) ഒന്നാംറാങ്ക് നേടി. പി വിഷ്ണു പ്രസാദ്(കോഴിക്കോട്) രണ്ടാം റാങ്കും ടി.ആസാദ് (കണ്ണൂര്) മൂന്നാം റാങ്കും കരസ്ഥമാക്കി. ശില്പ എം.പോള് 944.75 മാര്ക്ക് നേടി. പി.വിഷ്ണുപ്രസാദ് 944.68 മാര്ക്കും ടി.ആസാദ് 935.66 മാര്ക്കും നേടി.പട്ടികജാതി വിഭാഗത്തില് ദേവു ദിലീപ് (906.33- തിരുവനന്തപുരം), പി.ജിതിന് (875.46- മലപ്പുറം) എന്നിവര് ഒന്നും രണ്ടും റാങ്കുകള് കരസ്ഥമാക്കി. പട്ടികവര്ഗ വിഭാഗത്തില് എസ്.ആകാശ് (793.19- ഇടുക്കി), മനു ഡയസ് കണ്ടച്ചാംകുളം (744.77- തിരുവനന്തപുരം) എന്നിവര്ക്കാണ് ഒന്നും രണ്ടും റാങ്കുകള്. മെഡിക്കല് വിഭാഗത്തില് കേരളം, ന്യൂഡല്ഹി, ദുബൈ എന്നിവിടങ്ങളിലെ 229 കേന്ദ്രങ്ങളിലായി 77,974 വിദ്യാര്ഥികള് പരീക്ഷ എഴുതിയതില് 71,135 പേര് റാങ്ക് ലിസ്റ്റില് ഇടംനേടി. യോഗ്യത നേടിയതില് 49,467 വിദ്യാര്ഥികള് പെണ്കുട്ടികളും 21,668 പേര് ആണ്കുട്ടികളുമാണ്.
അഞ്ച് കുട്ടികള് ചാലിയാറില് മുങ്ങി മരിച്ചു
നിലമ്പൂര്: സഹോദരിമാരുടെ മക്കളായ അഞ്ച് കുട്ടികള് ചാലിയാറില് മുങ്ങിമരിച്ചു. ചാലിയാര് പഞ്ചായത്തിലെ അത്തിക്കാട് വേങ്ങാട്ടില് വിനുവിന്റെയും ലിസയുടെയും മക്കളായ അലീന(13), ഇരട്ട സഹോദരങ്ങളായ അമല്(10), അജയ്(10), വയനാട് മുട്ടില് പഞ്ചായത്തിലെ വാഴവറ്റ വഴുതക്കാട്ടില് മാത്യുവിന്റെയും ഫിലോമിനയുടെയും മക്കളായ ജിനുമാത്യു(15), ജൈനി മാത്യു(11) എന്നിവരാണ് മരിച്ചത്. ലിസയുടെ സഹോദരിയാണ് ഫിലോമിന.
ഹര്ത്താല് ദിനമായ വ്യാഴാഴ്ച മൂന്നരയോടെയാണ് അപകടം. അത്തിക്കാട് ക്ഷേത്രത്തിന് സമീപമുള്ള മാംസമാല എന്ന കടവില് ഫിലോമിനയോടൊപ്പം ഇറങ്ങിയതായിരുന്നു അഞ്ചുപേരും. കുളിക്കുന്നതിനിടെ അമല് ആണ് ആദ്യം മുങ്ങിയത്. ഇതുകണ്ട് ഫിലോമിന വെള്ളത്തിലേക്ക് ചാടി. ഇരുവരെയും കാണാതായതോടെയാണ് ബാക്കി കുട്ടികള് കൂടി രക്ഷിക്കാനായി പുഴയില്ചാടിയത്. അപ്പോഴേക്കും ഫിലോമിന അമലിനെ കരയ്ക്കെത്തിച്ചു. കരയില് ബാക്കികുട്ടികളെ കാണാതായതോടെ ഇവര് ബഹളംവെച്ചു. ഓടിയെത്തിയവര് പുഴയിലിറങ്ങി മറ്റ് കുട്ടികളെയും കരയ്ക്കെത്തിച്ചു. ഉടന് നിലമ്പൂര് താലൂക്കാസ്പത്രിയില് എത്തിച്ചെങ്കിലും ആരെയും രക്ഷപ്പെടുത്താനായില്ല.
മാമ്മലശ്ശേരി: പ്രാര്ത്ഥനായജ്ഞം ഒമ്പതുനാള് പിന്നിട്ടു
പിറവം: മാമ്മലശ്ശേരി മാര് മിഖായേല് പള്ളിയില് ആരാധനാ സ്വാതന്ത്ര്യത്തിനുവേണ്ടി യാക്കോബായ വിശ്വാസികള് പള്ളിനടയില് ആരംഭിച്ച അഖണ്ഡ പ്രാര്ത്ഥനാ യജ്ഞം വ്യാഴാഴ്ച ഒമ്പത് ദിവസം പിന്നിട്ടു. മെയ് 15ന് പ്രധാന പെരുന്നാളിനോടനുബന്ധിച്ച് അനിഷ്ട സംഭവങ്ങള് ഉണ്ടായ പള്ളിയില് പിറ്റേന്നാണ് യാക്കോബായ സഭ അഖണ്ഡ പ്രാര്ത്ഥന ആരംഭിച്ചത്.
കണ്ടനാട് ഭദ്രാസനാധിപന് മാത്യൂസ് മാര് ഈവാനിയോസ് മെത്രാപ്പോലീത്ത കഴിഞ്ഞദിവസം പ്രാര്ത്ഥനാ പന്തലിലെത്തി. ഇടവകയില് മഹാഭൂരിപക്ഷം വരുന്ന യാക്കോബായ വിശ്വാസികള്ക്ക് പള്ളിയില് ആരാധനാ സ്വാതന്ത്ര്യം ലഭിക്കുംവരെ പ്രാര്ത്ഥനാ യജ്ഞം തുടരുമെന്ന് മെത്രാപ്പോലീത്ത പറഞ്ഞു. വികാരി ഫാ. വര്ഗീസ് പുല്യാടേല്, ഫാ. എല്ദോസ് കക്കാടന്, ഫാ. ഷാജി പാറേക്കാട്ടില്, ഫാ. ഏലിയാസ് കാപ്പന്കുഴി, ഫാ. വര്ഗീസ് പനിച്ചിയില്, ഫാ. പൗലോസ് പുതിയാമഠം, ഫാ. റോയി മാത്യൂസ് മേപ്പാടം, എം.ജെ. മര്ക്കോസ് എന്നിവരും പ്രസംഗിച്ചു.
Subscribe to:
Posts (Atom)
Followers
മോര് ബഹനാന് സ്റ്റഡി സര്ക്കിള്
ഐഡി കാര്ഡ് തയാറാക്കുന്നതിനായി മോര് ബഹനാന് സ്റ്റഡി സര്ക്കിളില് അംഗങ്ങളായിട്ടുള്ളവര് ഇവിടെ ക്ലിക്ക് ചെയ്തു വേണ്ട വിവരങ്ങള് നല്കേണ്ടതാണ്.
Recent Posts
കോലഞ്ചേരി പള്ളി - ചില യാഥാര്ത്ഥ്യങ്ങള്